ඇත්තටම මෙහෙමද.....?


පසුගිය කාලේ අහන්න ලැබුණු දේවල් ටිකක් නිසයි මේ වගේ සටහනක් තියන්න හිතුනේ. ඇත්තටම ලංකාවේ හැමෝටම එක හා සමාන විදියට යුක්තිය ඉෂ්ට වෙනවද? අපේ රටේ අධිකරණයේ ලකුණ පෙන්නුම් කරන හැටියටම! කිසිම උස් පහත් භේදයක් නැතුව එක සමානව ම? ම්ම්ම්ම්.... මට නම් හිතෙන්නෙ එහෙම ම නෑ කියලයි.(මේක මගේ පුද්ගලික මතය! ).
……මේ කථාව කියවලා බලන්නකෝ, හැමෝම දන්නවානේ කටුනායක තියෙන නිදහස් වෙලඳ කලාපය ගැන. අපේ රටේ සොයුරු සොයුරියෝ විශාල ප්‍රමාණයක්, විශේෂයෙන්ම සොයුරියෝ දහස් ගණනක් ශ්‍රමය හෙලනවා අපේ රට වෙනුවෙන්.(ගොඩාක් දෙනෙක් දන්නේ/හිතන්නේ නෑ එහි දහඩිය හෙලන්නෙත් අපේ රටේ අපි වගේම ම්නිස්සු කොටසක් කියලා) මෙහි ජීවිතය නම් ඇත්තටම කටුකයි. ලැබෙන වැටුපත් එක්ක ඔවුන්ගේ මූලික ඇවැසිකම් ඉටුකරගන්නත් පවා ලොකු වෙහෙසක් ගන්නවා. එහෙම අත්දැකීම් පවා තුරුළු කරන් ඔවුන් එහි දුක් විඳගෙන ජීවත් වෙන්නේ ඇත්තටම දුප්පත්කම නිසයි.
…එහි තිබෙන එක්තරා කර්මාන්ත ශාලාවක සේවය කරන තරුණියකට එහි ප්‍රධානියෙකුගෙන් ලිංගික හිංසනයක් සිදු වුනා. මේ ගැන පැමිණිලි කරන්න ළඟ තියෙන පොලිස් ස්ථානයකට ගියත් එහි ළමා හා කාන්තා අංශයක් තිබුනේ නෑ. පැමිණිල්ල භාරගන්න ආවේ වෙනත් අංශයක නිළධාරිනියක්. මේ ගැන ඇහුව ඒ නිළධාරිනිය කිව්වේ මෙහෙම කථාවක්. "මේ ළමයා... කලු ගලේ ඔලුව ගහගන්නේ නැතුව වෙන වැඩක් බලාගන්න". නීතිය රකින්න ඉන්න අයගේ උපදෙස් මෙහෙම නම් එතනින් එහාට දේ ගැන කවර කතාද? හැබැයි ඒ කථාවේ ඇත්තකුත් නැත්තෙම නෑ කියලාත් හිතෙනවා. රු 10000 ක විතර වැටුපක් ගන්න සේවිකාවකට පුලුවන්ද ආයතන ප්‍රධානියෙකුත විරුද්ධව නඩුවක් පවරන්න. හරි, නඩු පැවරුවා ම කියමු. ඒත් ඇයට හැකියාවක් තියෙනවද ඇය උපයන වැටුපත් එක්ක ඒ නඩුව දිගටම පවත්වාගෙන යන්න? ඇයට කරදරයක් නැතුව දිගටම රැකියාව කරගෙන යන්න ලැබේවිද? එතනයි ප්‍රශ්නය තියෙන්නේ.
…මම දන්න විදියට නඩුවක් නීතීඥයෙකුට භාර දීලා ඒක ගොනු කරන්න විතරක් ඉලක්කම් පහේ මුදලක් වැයවෙනවා. ඊටපස්සේ හැම නඩු වාරයකටම සැරයක් නීතීඥයාට, සාක්ෂිකරුවන්ට මුදල් ගෙවන්න වෙනවා, එහෙම වෙලත් නඩුව කිහිප සැරයක් කල් ගියොත් නම් දෙවියන්ගේම පිහිටයි. එහෙම තත්වයක් යටතේ කොහොමද සාමාන‍ය්‍ය කෙනෙක් නීතියත් එක්ක ගනුදෙනු කරන්නේ. ඒකයි මම කිව්වේ අපේ නීති පද්ධතියේ කොහේ හරි ගැටලුවක් තියෙනවා කියලා. කෙනෙකුට ලොකු මුදලක් වියදම් කරන්න පුලුවන් නම් දක්ෂ නීතීඥයෙක්, සාක්ෂිකාරයෝ ගොඩාක් ලේසියෙන්ම හොයාගන්න පුලුවන්. මේ දිහා බලන කෙනෙකුට මුදල් මත නීතිය දෝලනය වෙනවා වගේ කියලා පෙනුනොත් ඒක පුදුමයට කාරණයක් නෙවෙයි.
…උදාහරණයක් විදියට හිතන්න යතුරු පැදියක යනකොට මාර්ග නීති කඩ කිරීමකට අහුවෙලා අධිකරණයට යොමුකලා කියලා. ඒ වැරැද්ද පිලි අරන් දඩය ගෙවන්නත් නීතීඥයෙක් ඕන වෙනවා. ඒ වගේ දේයකදි වැරැද්ද පිලි අරන් දඩය ගෙවන්න ලොකු නීති දැනුමක් ඕන වෙන්නෙ නෑනේ නේද? ඒ වුනත් යථාර්ථය ඒකයි. එතකොට හරියටම බැලුවොත් දඩ දෙකයි නේද!!!!
…මේ දේවල් කොහොම වුනත් නොමිලේ නීති උපදෙස් ගන්න පුලුවන් විදියට නීති ආධාර කොමිසම කියලා දෙයකුත් හදලා තියෙනවා. හැම දිස්ත්‍රික්කයකම වගේ ඒකෙ කාර්යාලයක් තියෙනවා. ඒත් එහි කාර්යක්ෂමතාවය කොහොමද කියලා නම් මම දන්නෙ නෑ. ඒත් ඒක ලොකු සේවයක්.
…මේ දේවල් එක්ක බලද්දි අපේ රටේ ගොඩ දෙනෙක් තමන්ගේ ජීවිත කාලය ඇතුලතදි පොලිසියකට, උසාවියකට යන්න නම් ලැබෙන්නෙපා කියලා ප්‍රාර්ථනා කරන එකේ වැරැද්දක් වත් පුදුමයක් වත් නෑ නේද? ඔයාලට මේ ගැන මොනවද හිතෙන්නේ කියලා ප්‍රතිචාරයක් දීල ම යන්න.

5 comments:

  1. නියමයි. මගෙන් සුබ පැතුම් දිගටම ලියන්න

    ReplyDelete
  2. ස්තූතියි යාලුවා... :l

    ReplyDelete
  3. yamak penunath nopenenawage inna ayatane mey liyanne, liyanna! liyanna!! liyanna!!! obata diriya ha shakthiya lebewa!sthuthiy.

    ReplyDelete
  4. @ simon pernal:
    ස්තූතියි ඔබේ දිරිමත් කිරීමට .... හැමදාම මාත් එක්ක රැඳී ඉන්න... :f

    ReplyDelete
  5. ලියනවානම් ඔන්න ඔය වගේ දේවල් ලියන්න........... තව ගොඩාක් අසාදාරනකම් වෙනවා පොලිසියෙනුත්... ඒවත් ලියන්න

    ReplyDelete

කමෙන්ටුවකින් දෙන්න පොඩි තල්ලුවක්. පෝස්ටුව ගැන හිතට හිතෙන දැනෙන ඕනෙ ම දෙයක් ලියන්න මෙතැන තමයි තැන ඔන්න.... හිතේ සතුට තමයි වටින්නේ !