ජීවිතේ අපට අත්විඳින්න ලැබෙන සමහර දේවල් අපට පුදුම විදියේ දේවල් ජීවිතය ගැන කියලා දෙනවා කියලා කියන එක මට ගොඩාක් වෙලාවට හොඳටම දැනෙන දෙයක්. අපේ රටේ නීතිය ක්‍රියාත්මක කරන ආයතන හා ඒවායේ ක්‍රියාකාරිත්වය ගැන මට හිතෙන දේවල් වැරදිද හරි ද කියන්න මම දන්නෙ නෑ. මම ඒ ගැන ලිව්ව සටහන බැලුවේ නැත්නම් මෙතැනින් ගිහින් බලන්නකෝ. හැමෝටම ඒ හා සම්බන්ධ අපූරු අත්දැකීම් ඇති කියලා මට හිතෙනවා. ඒවගේ දේවල් ගැන තවදුරටත් කථා කරන්න කලින් මට හිතුනා අපේ රටේ නීතියේ ඉතිහාසය ටිකක් මතක් කරන්න. නීතියේ පසුබිම දැනගෙන ඉන්න එක කාටත් ප්‍රයෝජනවත් වෙයි නේද?
ඔයාලා දන්නවනේ ලංකාවේ තාමත් පවතින්නේ රෝම-ලන්දේසි නීතියයි කියලා. මේ නීති පද්ධතියට ඒ නම භාවිතා කරන්න හේතුව තමයි 17-18 වෙනි සියවසේ දී මේ රෝම නීතිය මුලින්ම භාවිතා කලේ නෙදර්ලන්තයේ දි නිසයි. නෙදර්ලන්තය 19 වෙනි සියවස ආරම්භයේදි රෝම-ලන්දේසි නීතිය ක්‍රියාත්මක කිරීම නතර කළත් තවමත් මේ නීති පද්ධතිය ශ්‍රී ලංකාව, දකුණු අප්‍රිකාව, ඉන්දුනීසියාව හා තවත් අප්‍රිකානු රටවල් කිහිපයක අධිකරණ වල භාවිතයට ගැනෙනවා! නෙදර්ලන්තය, ප්‍රංශයේ යටත් විජිතයක් බවට පත්වීම නිසා නෙදර්ලන්තයේ පැවතුනු රෝම-ලන්දේසි නීතිය, ප්‍රංශ නීතිය බවට ආදේශ වුනත් ඒ කාලයේ නෙදර්ලන්ත යටත් විජිතයක් වීම නිසා අපේ රටවල් වලට උරුම වුන රෝම-ලන්දේසි නීතිය නම් වෙනස් වුනේ නෑ. 1656 න් පසු ලංකාව පාලනය කළ ඕලන්ද ජාතිකයන් ඒ කාලයෙදීම වගේ මේ නීතිය අපට හඳුන්වා දුන්නා. 1796 දී බ්‍රිතාන්‍ය නැගෙනහිර ඉන්දීය සමාගම විසින් ලංකාවේ මුහුදුබඩ පළාත් අල්ලාගත්තට පසුව 1796 ජූනි 1 දා ස්ථිර ලෙසම දිවයිනේ අධිකරණ ස්ථාපිත කලා.
1815 දී සිදු වුන උඩරට ඇදවැටීමත් සමඟම මුලින් මුහුදුබඩ පළාත් වල පමණක් ක්‍රියාත්මක වුනු මේ රෝම-ලන්දේසි නීතිය මුලු රට පුරාමත් ක්‍රියාත්මක වෙන්න පටන්ගත්තා. ඉංග්‍රීසීන් ලංකාවේ නූතන සිවිල් පරිපාලනය, අධිකරණ පද්ධතිය ඇතිකළා වගේම ඒ කලේ වෙද්දි ව්විධ ජාතීන් අතර පැවතුනු චාරිත්‍ර වලටත් සැලකිල්ලක් දැක්වූවා නීති පැනවීමේදී. ඒකට හොඳම උදාහරණය තමයි 1801 දී ඔවුන් ගෙනා අධිකරණ පනත. එමඟින් එවකට උඩරට පළාතේ පැවති උඩරට නීතිය, යාපනය ප්‍රදේශයේ පැවති තේසවලාමෙයි නීතිය, මුසල්මානුවන් අතර තිබූ මුස්ලිම් නීති, පන්සල් දේවාලගම් නීතිය ආදියත් රෝම-ලන්දේසි නීතිය සමඟ බද්ධ වුනා. එවිට පරිපාලනයේ දුෂ්කරතා සමඟ නීතියේ ඇතිවුන සංකීර්ණ නොගැළපීම් ස්වභාවය නිසා ඉංග්‍රීසීන් ක්‍රම ක්‍රමයෙන් දේශීය නීති වෙනුවට ඔවුන්ගේ නීති, පද්ධතිය තුලට ඇතුල් කළා. ඊට හේතු වශයෙන් ඔවුන් දැක්වූයේ දේශීය නීති නිසි ලෙස සම්පාදනය(රචිත) නොවූ ඒවා බවයි.
…නමුත් උඩරට නීති පද්ධතියේ අන්තර්ගත ඇතැම් කරුණු අදටත් ලංකාවේ නීති පද්ධතිය තුල ක්‍රියාත්මකයි. ඒ විවාහය, දික්කසාදය, සංක්‍රමණය වගේ කරුණු සඳහා. මෙම නීති ලංකාව පුරා ඉන්න සිංහලයන්ටම නම් වලංගු වෙන්නේ නෑ, ඒක වලංගු වෙන්නේ උඩරට පළාතේ අයට පමණයි. උඩරට පළාතේ සිංහලයන්ට විවාහය සම්බන්ධයෙන් තෝරාගැනීම් දෙකක් ලැබෙනවා. ඒ උඩරට විවාහ හා දික්කසාද නීතිය යටතේ හෝ සාමාන්‍ය නීතිය යටතේ. ඔවුන් උඩරට නීතිය යටතේ විවාහ වුවහොත් එතැන් සිට ඒ හා සම්බන්ධ කාරණා වලදී ඔවුන්ට බලපවත්වන්නේ උඩරට නීතියයි. එහෙම වෙන්නේ ඒ අය උඩරට වෛවාහික සහ ප්‍රවේණිය පිළිබඳ ආඥා පනතට ඔවුන් යටත් වෙන නිසයි. සාමාන්‍ය නීතිය යටතේ විවාහ වුනොත් ඒ අයට බලපාන්නේ සාමාන්‍ය නීතියයි. කොහොමද ඒ වැඩේ......!!!!
…ඔන්න ඔහොමයි ඒ ඒ දේවල් ඒ කාලේ වෙලා අද දක්වා පවතින මේ නීති පද්ධතිය විකාශනය වෙලා තියෙන්නේ. කොහොම වුනත් ඊළඟ බ්ලොග් සටහනෙන් මේ ගැන තවත් දේවල් කියන්න බලාපොරොත්තු වෙනවා. මේ ගැන කියවලා හොඳයි කියලා හිතෙනවනම් Comment 1ක් දාලා යන්නත් අමතක කරන්නනෙපා!!!!
…ඔයාලට තෙරුවන් සරණයි.
Subscribe to:
Post Comments (Atom)
ඔය දක්වල තියන විවාහ නීති වලට අමතරව මුස්ලිම් අයට විතරක් සුවිශේශ උන මුස්ලිම් විවාහ නීතියකුත් ලන්කාවෙ ක්‍රියාත්මක වෙනවා , ඒ යටතෙ මුස්ලිම් කෙනෙක්ට එක වර විවාහ හතරක් පවත්වාගෙන යන්න පුලුවන් ,, මේ විදියට එක රටක් ඇතුලෙ ඒ ඒ ආගම් අනුව , ජාතීන් අනුව වෙන වෙනම නීතීන් ක්‍රියාත්මක වීම විහිලුවක් නේද ??.
ReplyDelete